The Bardees Project Podcast - بودكاست مشروع برديس

حلقة 105: أنا ورانية — الهليكوبتر

Episode Summary

طلعنا مرة بالقطار، هلق بدنا نطلع بالهليكوبتر. بهاي الحلقة بنحكي عن الزوم آوت: كيف نطلع فوق ونشوف حياتنا من بعيد بدل ما نغرق بتفاصيل اليومي. بنحكي عن عجلة الحياة، الرزنامة المرئية، التدوين، والأسئلة اللي بتغير القصة اللي براسنا. وليش مرات بنحتاج حدا يساعدنا نطلع فوق.

Episode Notes

أنا ورانية: الهليكوبتر

بحلقة 97 طلعنا بالقطار، هلأ بدنا نطلع بالهليكوبتر. بنحكي عن الزوم آوت: نطلع فوق نشوف حياتنا من بعيد بدل ما نغرق باليومي.

بهاي الحلقة بنحكي عن:

• الهليكوبتر: كيف الزوم آوت بيخلي الدنيا تبين صغيرة والأشياء تبين أبسط
• مش بس بالمراجعة الأسبوعية: نستخدم الزوم آوت بكل جوانب حياتنا
• عجلة الحياة (البيتزا): قيّموا كل جانب من حياتكم من 10 وشوفوا وين التوازن
• التوازن مش إنه كل شي 10/10، بل إنه نكون واعيين وين إحنا
• الزوم آوت بيريح: بننسى قديش أنجزنا لما نغرق باليومي
• الأهداف الكبيرة اللي بتمتد سنتين وثلاثة: زي عيلة زارت كل الناشونال باركس بالصيفيات
• الزوم آوت على الأفكار اللي ما بنقدر ناخد أكشن عليها هلق: نحطها لقدام
• أدوات الزوم آوت: التدوين اللي بيسأل مش بس بيفضفض
• الرزنامة المرئية على الحائط: إدارة الطاقة مش بس الوقت
• الأسئلة بتغير القصة: من عقلية الحاكم لعقلية المتعلم
• "شو صار؟" بدل "مين غلط؟": نحكي القصة بدون لوم
• "شو بدك من كل هاي القصة؟": السؤال اللي بيوضح المطلوب
• الطرف التاني: شو عم يفكر ويشعر؟ تفعيل التعاطف
• ليش مرات بنحتاج حدا يساعدنا نعمل زوم آوت، ومع مين نشارك قصصنا

اقتباسات من الحلقة:

"بتغير أسئلتك بتغير حياتك، وبتشوف حياتك بمنظور مختلف"

"شو صار؟ مجرد ما تسأل هالسؤال بترتاح وبتبلش تحكي القصة زي ما هي"

"التوازن مش إنه كل جوانب حياتك 10 من 10، هاد شبه مستحيل"

"كل ما طولنا بالقصة اللي براسنا، بنغرق فيها أكتر"

ذُكر بالحلقة:

• عجلة الحياة (Wheel of Life)
• كتاب Change Your Questions, Change Your Life — ماريلي آدامز (عقلية المتعلم مقابل الحاكم)
• حلقة 97: تك تك يمشي القطار (https://bardees.simplecast.com/episodes/97)
• ديريك سيفرز: حلقة بودكاست عن صنع القرار (https://open.spotify.com/episode/1yCzqPnyRDrmzWZe2ccm2d)
• الرزنامة الشهرية من برديس (بتوصلكم بالإيميل)
  👉 اشتركوا الآن

عن رانية خوري:
🧠 Mindset & Wellbeing Coach | PCC-ICF

📲 إنستغرام: @raynia_r
🔗 لينكتري: linktr.ee/rayniacoaching