The Bardees Project Podcast - بودكاست مشروع برديس
حلقة 93: أنا ورانية — وين عم بروح وقتي؟
Episode Summary
في سادس حلقة من سلسلة "أنا ورانية"، رانية بتسأل برديس عن التايم بلوكينج، تقسيم الوقت، اللي هي أداة بتستخدمها برديس من سنين. بنحكي كيف بتقسم يومها لبلوكات على الورق بثلاث أعمدة: الساعات، الخطة، والواقع. كيف بتخطط لبكرا قبل ما تروح من شغلها، وليش هيك أحسن من تخطيط الصبح. وكيف رانية بدها تبلش بتتبع وقتها أول عشان تعرف وين عم بروح وقتها.
Episode Notes
أنا ورانية: تقسيم الوقت
في سادس حلقة من سلسلة "أنا ورانية"، رانية بتسأل برديس عن تقسيم الوقت، الأداة اللي بتستخدمها من سنين وبتحكي عنها كل مكالمة.
بهاي الحلقة بنحكي عن:
- شو هو تقسيم الوقت وكيف بتشتغل عملياً
- ثلاث أعمدة: الساعات، الخطة، والواقع
- ليش التخطيط آخر اليوم أحسن من الصبح
- قانون نيوتن الأول والزخم آخر النهار
- كيف تبلشي بالأشياء الثابتة وتعبي حواليها
- التركيز العميق: سكّري كل شي وحطي تايمر
- مرونة التقسيم حسب فصول الطاقة
- تتبع الوقت كنقطة بداية لمعرفة وين عم بروح الوقت
- حتى ساعة وحدة بيومك قسميها
اقتباسات من الحلقة:
"كل مكالمة بسمعك تحكي تايم بلوكينج"
"حتى البريك بعبيها، لازم آكل"
"لما حدا يسولفك وإنتي حاطة خطة، بتعرفي من شو عم ياخد"
"لو ساعة بيومكم قسموها، رح تشوفوا شعور حلو إنه ماسكة زمام الأمور"
ذُكر بالحلقة:
- كتاب Time Boxing
- كال نيوبورت، العمل العميق (Deep Work)
- لورا فاندر كام، 168 ساعة (168 Hours)
- تطبيق قفل التطبيقات للتركيز
- تأثير زيغارنيك (Zeigarnik Effect) — اكتشفته عالمة النفس بلوما زيغارنيك بالعشرينات، إنه دماغنا بيضل يذكّرنا بالمهام اللي ما خلصناها وبيبقيها "حلقات مفتوحة" براسنا. عشان هيك الأغنية اللي ما خلصتوها بتضل براسكم، والمهمة اللي ما سكرتوها بتضل تنق عليكم.
- جون أكف — Procrastination Proof — التخطيط بأربع مراحل: 3 أيام، 3 أسابيع، 3 شهور، 3 سنين
عن رانية خوري:
🧠 Mindset & Wellbeing Coach | PCC-ICF
📲 إنستغرام: @raynia_r
🔗 لينكتري: linktr.ee/rayniacoaching